Fin de semana.

Gocei cun espectáculo cheo de sensualidade e forza, grazas á danza contemporánea dos Grands Ballets Canadiens de Montréal. Como facer falar ao corpo coas músicas máis insólitas. Intres dunha intensidade inmensa, outros divertidos. Estou a descubrir de vagariño este mundo da danza e sorprende, hai vida alén dos tópicos tutús.
Visitei a pequena colección de antropoloxía do museo de ídem. Confeso que fiquei algo decepcionado polo frouxa que me pareceu e o ar de superioridade que teñen estes sitios coas culturas 'exóticas' que expoñen.
Quedei con ganas de ver algunha cousiña máis, por non saber dela até que era tarde. Sempre quixen ter unha kilt escocés.
Por momentos estrañei non vivir nesa voráxine tola...
E sobre todo disfrutei da temperatura morna no Retiro. Mellor non pensar no que respirabamos...