NEMETH

30.8.06

Couto Mixto.


Hoxe chegou aos meus ollos un artigo algo vello do País sobre O Couto Mixto (vía renas). Non é que sexa ningunha xoia nin que conte nada que non se soubera, mais a morriña manda... Como sería se aínda conservaran hoxe a súa ancestral independecia? O galego chegaría á ONU ou a Eurovisión da mao d'O Couto, como o catalán con Andorra? De seguro que había de ser unha locomotora económica e estandarte identitario de primeiro orde. Pero todo quedou en nada ...

Aproveito pra recomendarvos a páxina de Xurxo Lobato, na que hai unha linda galería fotográfica sobre o Couto Mixto, ou o completiño tema de culturagalega.org sobre o mesmo. Máis vencellos acó e acolá (mágoa que a asociación non teña versión en galego... que falarán os veciños?).
E xa postos, tamén aproveito pra reivindicar os pobos promiscuos (Tourem, Soutelinho da Raia e Lama de Arcos). Na miña bisbarra hai aldeas pertencentes a concellos, provincias ou bispados distintos. O caso máis famoso é o d'Os Peares. Mais tamén están Portomourisco, Freixido, Casares, Ponte Navea... Non hai separación nin física nin psicolóxica. E todo un mesmo territorio.
A absurdidade das fronteiras e alfándengas separando o que sempre estivera xunguido, como querendo borrar o noso irmanamento. Xa se sabe que a promiscuidade non lle presta ás mentes ben pensantes, hoxendía e xa daquela...

Xa non viaxo máis por hoxe... :-)

6 Comments:

  • Levaba un tempiño sen entrar no teu blog e vexo que estás en moi boa forma. Grazas por levarnos de viaxe por tantos e tan pintorescos lugares. Unha aperta.

    By Blogger Veloso, at 11:54 da manhã, agosto 31, 2006  

  • Xa estou de volta xa me tardaba de pasar por aquí...

    Unha aperta grande viaxeiro.
    :)

    By Anonymous Marinha de Allegue, at 3:19 da tarde, agosto 31, 2006  

  • Dende logo que son unha parvada as fronteiras e muitas leis.
    Eu souben do Couto Mixto por Ferrín e abraioume o concepto.

    By Blogger paideleo, at 7:22 da tarde, agosto 31, 2006  

  • graciñas polos vosos comentarios.

    Seguirei viaxando coa gratificación de saber que teño tan boa compañía nestas viaxes.

    Marinha, benvida de novo, xa che se botaba de menos.
    Veloso, o da miña boa forma é bastante discutíbel :-)
    Acedre, encántame facer de guía turístico. Debe de ser a miña vacación frustrada.

    By Blogger Nemeth, at 10:17 da tarde, agosto 31, 2006  

  • meu. o galego xa é reconhecido na onu co nome de portugues. couto mixto is not spain!

    By Anonymous Anónimo, at 4:36 da tarde, setembro 10, 2006  

  • na onu non recoñecen o galego. por moito que nos pese é así, sen o nome non temos presenza, por moito que o galego (versión ortográfica portuguesa) estea representado, faino como lingua oficial de Portugal, Brasil, etc... non da Galiza.

    By Blogger Nemeth, at 1:48 da manhã, setembro 11, 2006  

Enviar um comentário

Links to this post:

Criar uma hiperligação

<< Home