Noa

Estou a escutar a esta delicia de muller e non puiden evitar compartir convosco a miña fascinación por ela.
Vina por primeira vez nos primeiros noventa nun Womad en Gran Canaria cando non era case que coñecida nestas veigas. Non chegou a ser amor a primeiro ollar, pero houbo certa química. Até que a vin cantar un Ave María a capella no Conde Duque de Madrid. Aí fiquei namorado desta israelí de orixe iemení dunha voz cálida e potente, comprometida e moi simpática. E canta no noso idioma, unha fermosa cantiga xa cantada polos Fuxan.