NEMETH

24.12.05

En compostela...


Xa estou na terriña! Despois de conseguir esquivar todas as obras que teñen furada Madrid, dunha verdadeira peregrinaxe no alsa e pérdida dun bus incluído.... En breve comezaremos a preparar a cea. Somos unha familia moi xeitosiña na cociña. Traballamos todos. A familia política, non é por malmeter, pero non fan nin un ovo :D

Boas Festas e olliño coas indexestións ;)

21.12.05

volta a casa.

Contra o boicot... bon nadal per tots, també! :)

Eu farei dende mañá a miña propia rota gastronómica matanceira polo país adiante!

aiiiiii vou! por fin :D

Bo nadal!

Como remate a tanto espírito 'navideño'....


pódedes conseguir unha acó.

Espírito 'navideño' IV

Curioso xeito de denfender o nadal, ou o máis importante... os agasallos!

Espirito 'navideño' III

Haiche xente ben ociosa...

Espírito 'navideño' II

Unha proposta ben linda, 'sencilla a la par que elegante'... (fotos traídas polas renas de santa)

Espírito 'navideño' I


Como xa se achega o nadal, a xente engalana a casa, eu xa gastei os cartiños na lotaría prá familia e o marabilloso e contaxioso espírito do nadal inunda todos os recunchos do mundo occidental e consumista, velaí vai unha serie de post navideños ben chulos.

Pra abrir, unhas fotiños ben lindas...

Máis fotos aquí.

20.12.05

A mellor fotografía do 2005 v1.1

Outras das mellores fotos do ano, desta vez segundo o Time.

O mellor do peor..

Exemplos de publicidade rexeitada.

Mellor fotografía do 2005 v1.0


A UNICEF escolleu onte a mellor fotografía do ano 2005 a esta imaxe do británico David Guillanders, un retrato dunha cativa ucraína chamada Jana. Foto: David Gillanders/AP

Wiki vs Brit

Velaquí un estudo da revista Nature facendo unha avaliación moi positiva da Wikipedia fronte as enciclopedias convencionais (nomeadamente a Britannica). Moi interesante un artigo sobre a wikipedia no blogue de Abrupto.

Máis no Fwwwrando de Vieiros.

19.12.05

Os nomes

Xa hai ben anos, cando cheguei de noviño a IC, semellábame vivir en Cristal ou La Dama de Rosa (moi de moda daquela). Ao caso, de súpeto pasei de Josés (e variantes...), varias Marías, Pedro, Juanes e nomes semellantes (agás algunhas incipientes Vanesiñas) as exóticas Yaiza Guazimara, Carlos Gustavo, Alexis José, Juan Alejandro ou Yeray Tanausú.

A que vén este conto? Veño de atopar esta xoia, con exemplos de nomes como Jovelina Ó Rosa Cheirosa, Excelsa Teresinha do Menino Jesus da Costa e Silva, Antonio Manso Pacífico de Oliveira Sossegado ou Aeronauta Barata.

Recoñezo que non é doado atoparlle un nome acaído aos fillos, pero tampouco é pra isto...

18.12.05

Serán imaxinacións miñas, ou estes días andamos algo cheos?

Hai unha curiosa proliferación de post gastronómicos e achegados, ou é que teño sobredose?:)

Zoar

Volto a sentir zoar o cierzo nas orellas e a agarimarme na casa-tropical.
Unha fin de semana fóra e temos nova trangallada hortera-que-te-cagas que imos ver até fartar.

Tarefa da semana:

1- preparar a volta a casa (ben!).
1a- Planificar a marabillosa viaxe transiberiana ou plantexarme paradas técnicas.
1b- Baleirar a neveira de elementos subceptíbeis de adquirir vida propia nun prazo de 15 días.
1c- Planchar unha morea de roupa para que miña nai non faga comparacións odiosas.

2- gastar media paga extra en azar familiar (tamén se pode incluir no apartado 1).

3- sobrevivir aos compromisos laborais e pseudo-laborais (tentarei seguir as últimas tendencias de dietas).

4- preparación física e psicolóxica prás rutas gastronómico-antropolóxico-culturais das vacacións: noiteboa, nadal, mantazas varias, desfeitas, reencontros, fin de ano, aninovo...

16.12.05

Madrid II

Xa dixen que Madrid vívise mellor de visita. Vouno comprobar esta fin de semana. Teatro, cañas e 'polvos mágicos' (agardo).

Deep Galicia

Eu que pensaba que isto xa non pasaba. Calquera día volve aparecer un encerrado na casa do lado...

15.12.05

Wifi

Es un wifeiro despistado?

Ollo ó piollo! De seguro que alguén estará a vivir a vosa conta. Eu non teño nin sono nin vontade. Capade as vosas Wifis!

Asinado: Os vosos veciños insomnes.

vou durmir!

Dia do Orgullo Gaiteiro.


Non tan coñecido nin tan concurrido como estoutro, pero tamén existe. Gaiteiros!

Por certo, ven de saír unha reedición dos mellores gaiteiros da Historia, os de Soutelo.

PD: graciñas aos aduaneiros







Xa se fodeu o ano.
Haberá que tirar cos calendarios vellos...

14.12.05

En salvaxe compaña.

Velaquí os gañadores do concurso anual da National Wildlife Federation. Ben lindas de vere.

The Constant Gardener


Recoméndoa vivamente. Estarrecese un de pensar no críbel que é. Acción, intriga, amor. E por fin un inimigo que desta vez non é terrorista tipico (a última moda de Gholibú). -Dirixida polo admirado Fernando Meirelles.

13.12.05

Manda OO...

O que se atopa un polas blogleiras. Seica a imaxe dos ovos de chiculate Kinger vai ser substituída (non foi sen tempo). O cativo (de 42 aniños) disque se chama Gurnter Euringe, bávaro de Munchen, e ven de sacar unha autobiografía. Para cando a de Ramón, o do Fertimón??

Síndrome II


Eu sempre a preferín, non tan empalagosa e unha caída de ollos espectacular...

Síndrome I


Nova sorprendente... ou non tanto. Seguindo co que decía a outro día, será verdade o tópico aquel de que a nosa verdadeira patria é a infancia.

Prefiro a súa verdadeira historia. Todo un clásico dos mails caralláns.

Só pra moi nostálxicos: pódese baixar a sintonía aqui.

11.12.05

Madrid

Esta fin de semana tiven un interesante debate de ideas a raíz dun artigo de hai semanas de Maruja Torres sobre Madrid. Non é a primeira vez que os meus moitos amigos matritenses se queixan da má imaxe que teñen, das moitas culpas que levan e do moito que sofren os coitadiños (manifestacións e demáis). Por iso gostei especialmente do último artigo d'O Pereiro.
Vivín alí até hai dous mesiños. Aínda son cidadán matritense de dereito, que non de feito. Agora disfruto da cidade, como di Brétemas. Antes, sufríaa.
É contradictoria. Ten os ceos máis belos que hai e está furada por quilómetro de túneles nos que nin intúes o sol. 'De Madrid al cielo', mais a medio camiño de inferno. Innovadora e tradicional. Cidade mártir e representación do facherío máis reseso.
Gosto de Madrid. Non aturo Madrid.

Desenredado...

Foron uns días sen conectarme, sen postear. De propia vontade. Recuperar a capacidade de ler o xornal á raxeira, agarimado do aire incesante desta cidade. E recuperar a capacidade de sorpresa e análise, ao ler noticias, e non poder contrastalas, verificalas e completalas en incontables sites. Hoxe corroborei as miñas conclusións, a capacidade de manipulación e mentira non ten límites. Semella comezar un tempo de saídas de ton de todos.

7.12.05

Diáspora

Hai xente que sempre se me despide dende a diáspora, alén mar. Eu estou tamén deslocado.
Estamos na diáspora material.
Mais esta fin de semana, na terra, vin xente na diáspora mental, existencial: vivir nunha terra sen sentirse dela e nela. Tanto mellor lles tiña erguerse vendo o Moncayo, Peñalara, Collserola ou o Chulumani que o Pedroso ou o Xiabre.
Morriña: pés nunha terra e corazón noutra.

6.12.05

Sigo a tunear o blogue

Engado un novo contador, e tres reloxiños (a hora española, a hora galega e a hora arxentina).

O da hora galega débollo aos comuuuuunicados da va-ca.org.

Na Galiza, GMT!

ver outro interesante artigo sobre o tema de sihomesi.

Dominio galego na internet

Concordo cos de rede galega, se os cataláns poden, porque nós non? (e mira que me fode iso de andar a reboque dos outros). Por certo, grazas a colazo polo linque. Prao viendeiro intento queda o do patrimonio galego-portugués. Sempre terán o meu apoio.

Xentiña interesante

Mirando polo blogmillo adiante, vexo o pouco que teño que dicir e o mal que digo.

Visitas obrigadas a torredebabel e a marinha de allegue.

Dia da constitución

Facendo coma O Carrabouxo hai moitos anos co gallo do 17 de maio ('para celebrar el dia de las letras gallegas me pongo garabata y hablo el castellano'), eu para celebrar o día da Constitución, voulle facer algúns apuntamentos:

1.-A propia constitución, entre outros, di no seu artigo 147.2:
Los Estatutos de autonomía deberán contener:
a)La denominación de la Comunidad que mejor corresponda a su identid histórica

2.- Galiza, xunto con Catalunya e Euskadi son xa nacionalidades históricas polos seus respectivos estatutos, termo que recoñece a constitución. A que ven tanto problema en sermos nación ou identidade nacional. Non o somos xa?

3.- Porque os que antes a puñan a caer dun burro, agora son 'los más', defendendo. Semellan ter o fervor dos conversos, a ignorancia dos neófitos e o medo dos acomplexados.

Xa estou un chisco canso do tema, a verdade. Tanta teima en sacar á rúa na defensa da integridade territorial (seica supostamente en perigo), e non en termos dereito a unha vivenda digna ou igualdade perante a lei.

O'Nemeth in Japan

hai que ver como baten dun.

Galego

Páxinas que vou atopando:

1.- Galinus: Avaliaxe de empresas e comercios que empregan o galego, pódense ver os comentarios negativos e positivos.
2.- Xa postos, outra listaxe na Mesa. E as súas últimas campañas, xa conseguimos entre todos pequenos/grandes fitos.


3.- Están tolos estes de Bruño.

4.- Segundo Vieiros, xa están traballando dende o novo galego21.org na traducción do Firefox. E interesantes os novos proxectos. Parabéns.

O Santiso

O sábado fun ao Fogar do Santiso. Moi enxebre, boa comida, viño aceptábel e mellor compaña. Grazas a aquela noite estou coma estou, mais pagou a pena.

No seu site di:
Santiso, construeu no seu eido, pendellos
cubertos con tella do pais, onde instalou mesas
e fixo un cauce artificial.

Dou fe. Chovía coma fóra. E mesmo semellaba que estabamos cos pes nun regato...

5.12.05

Frida

Pra non andar a me mollar polo Libredón (a pesar dos soportais do Vilar), achegueime a ver a tan publicitada exposición de F(e)rida Kahlo. Sóubome a pouco e a muito. Desacougoume, ensinoume e sorprendeume . Polo que contan, é a cuña do que virá. Hai que ir, é a maza que se precisa.

Pilas cargadas e uns graos de máis.


Vou pasar uns días á terriña, pra facer moitas cousas e ao final non facer nada (ou case). De volta non traio nin chourizos nin peloura. Coma na foto, a pinga no narís e 38 e pico de febre. Puta gorxa.