Horizontes...

na galería fotográfica de Eric Fredine.

Ten imaxes como esta que asocio ás interminábeis horas no Alsa, a subir e baixar polas chairas castelás...

Documentais...

Interesantísimo documental sobre sexo da canle 5 da BBC (picante de máis prá sobremesa de La 2, de momento xa o censuraron no GoogleVideo) titulada A girl's guide to 21st century sex. Neste primeiro episodio pódese ver a postura do misioneiro dende perspectivas abofé que totalmente novedosas (e por suposto, con imaxes totalmente explícitas).

Por certo, tamén me fago eco dunha curiosa convocatoria relacionada co tema: o vindeiro día 22 de decembro, venres, estamos todos convocados orgasmo colectivo a prol da paz mundial. Donna Sheehan e Paul Reffel pídenlle a todo o mundo, especialmente os que habitan en países con armas de destrución masiva, que o día do solsticio de inverno, á hora que queiran e no sitio que queiran, contribúan a efectuar un cambio no campo enerxético da Terra mediante un orgasmo mundial sincronizado. Os organizadores aseguran que este é o momento axeitado, pois dúas frotas estadounidenses se están a dirixir cada ao golfo pérsico para atacar Irán. Sheehan e Reffel baséanse no proxecto da conciencia global, un programa da universidade de Princeton que mide o efecto que pode ter o pensamento humano no devir dos feitos. Tentan que os participantes concentren todos os seus pensamentos na paz durante e despois do orgasmo. A parella promotora da iniciativa ten a esperanza de que o enorme influxo da enerxía física, mental e espiritual cunha intención consciente pacífica teña efectos positivos profundos que cambien o estado de violencia da humanidade. Segundo eles, a inxección desa forza no campo enerxético da Terra contribuirá a ese cambio positivo. Este será o primeiro orgasmo mundial sincronizado pola paz, cara ao solsticio de decembro do 2012, data na que remata o calendario maia.

Como o oídes.

A coller apuntamentos e ir practicando até entón...

Desmotivación...

ÉXITO: algunhas persoas soñan co éxito mentres outras viven pra esmagarche este soño...


GABANZAS: si queres chegar arriba, prepárate pra bicar abaixo...


NEPOTISMO: promovemos os valores familiares, case que tanto como aos seus membros...


PRESIÓN: pode converter un anaco de carbón nun diamante perfecto ou un home calquera nun auténtico caso perdido...


TRABALLAR: non se che paga pra creres no poder dos teus soños...


CONFORMIDADE: cando a xente é libre pra facer o que queira, normalmente imita aos demais...

Máis...

Pra mexar...

e non botar nin pinga son as declaracións do noso ben amado Presidente da Xunta sobre o Plano de Normalización (non dicían que seica non tivera case seguemento a folga, nonsi?). Todos sabemos quen son (/somos) os que reclaman (/-mos) a aplicación dunha lei (bastante xustiña, hai que dicir) aprobada co apoio de todo o Parlamento. Pero quen son os que recriminan ao Executivo galego que se empregue de máis o galego ('máis aló do debido')? Teñen na Oficina Internacional de Pesos e Medidas algún patrón pra medir a cantidade de galego a empregar en público? Que é o debido neste caso? Xa sabemos o que lle din ao noso Presidente... pero que é o que pensa el soíño? Pensa o noso Presidente?

Por outro lado, eu preferiría que todos os que non asistiron ás aulas, na próxima convocatoria vaian a clase pero falando galego. A cantos dos que secundaron o paro non se lles oe nin bébedos unha palabra en galego? Calquera excusa é boa pra non iren a clase (como calquera xeralización xa sei que é inxusta, pero non deixo de pensar no artificial do asunto).

Cantas dúbidas arestoras. Non sei se darei durmido co desacougo...

Xa postos...

a tentar salvar a nosa alma, tamén podemos alugar o cura por internet ollando nas Páxinas Amarelas de Deus (se procuras un cura católico en Chula Vista, California, poñamos por caso...) ou deixar unha e-smola...

Os gañadores das eleccións nos USA...

están ben claros, nonsi? Máis detalles acó.

Xesús vs Jeezus

Vese que Jeesus vai recuando. Esta viñeta é un bo resumo da hipocrisía dos neocon integristas ianquis. Pódese ver con máis detalle acó.

Estatuas curiosas.

Curiosa galería de estatuas estrañas de todo o mundo. Unha delicia praos turistas!


Aínda que pra min, a máis inquietante vén sendo esta tirada nun parque de Oslo....

O pagador de promesas...

Vou tentar atopar a alguén coma Carlos Gil que vaia por min á vindeira romaría do Corpiño ou do Cristo (que vaia a miña nai por todos seica non é abondo) como fai este pelegrín vizinho... Xa avisa da tradición medieval da súa figura. Isto si que é recuperar vellos oficios!

(vía Reuters)

Matarranya

Levo semanas moi enleado e non tiven tempo de amosar os sitios onde estiven a traballar. Hoxe volvín ir a este lugar (premede na foto pra vela máis grande):

Son os chamados Portos de Beceite (ou Beseit) dende o Encoro de Pena. Aínda que está en Teruel, comarca do Matarranya, pertence á chamada Franja de Ponent, territorio de falar catalán en Aragón. Curioso sentir falar á xente dos cataláns (dun xeito un chisco despectivo) con máis sotaque catalán que Maragall. Sintonízanse as radios e as televisión catalás, falan catalán, pero din falar 'chapurreau'. Mesmo hai fenómenos de negación da súa natureza, chamándoo 'dialecto' (o mesmiño que co galego estremeiro). O autoodio tampouco é patrimonio exclusivo de ninguén.

Estes montes son tamén unha das reservas máis importantes da cabra hispánica, e cousas de estar tirado tanto tempo no monte e que vin dúas, nai e a filla de case un ano. Fíxome moita ilusión, era e son fan absoluto de Félix Rodríguez de la Fuente. Mágoa de ter un zum máis potente pra tirarlles unha foto...

E por último, a vila de Valderrobres (ou Vall-de-roures), a capital da bisbarra e unha beleza. Ten unha das casas do concello renacentistas máis importantes de todo Aragón (teñen unha copia en Barna). Mágoa non ter máis tempo pra paseala de vagar.

Teruel existe.

PD: máis fotos acó.

Fuchicando no flickr...

un pódese atopar cousas como estas, unha idea ben orixinal de tirar fotos ideada por Michael Hughes...

Que monos!

Non sei se seremos da familia ou non, pero mira que che son lindos estes micos, nin as de Supermodelo2006...

(da galería de Paul Kopeikin)

Creacionismo.

Hai veces que as casualidades 'obrigan' a escribir un post.
O venres posteo o dos cartaces ultra conservadores ianquis. O sábado acho que un compañeiro de traballo (rama das enxeñerías) está convencidísimo de que a evolución non existe e se pode probar científicamente ('un físico nos desmostró con unas fórmulas que te c... que la teoría de la evolución era imposible', sic). E hoxe atopo esta nova. O ministro de Educación de Polonia (non esta, estoutra) quere que a teoría da evolución deixe de ser ensinada nas escolas, e substituída polo creacionismo (ciencia da creación, prefiren que se chame). Un país da nosa mesma UE. A min que non me amolen, se estes entraron como lle poderemos botar en cara aos musulmaos fundamentalismo relixioso! Como ben din por aí adiante, o señor Miroslaw Orzechowski lémbranos que no tema de fundamentalismo relixioso non hai monopolios..

Aínda que se hai xente que se guía por isto...

Galería

de cartaces dereitosos... Unha pequena escolma do que hai. Xenial e divertida se non reflectisen demasiado ben os ideais de moita xente... (vía Renas)

Anorexia

Hai anos, unha boa amiga miña que estudaba medicina en Compostela falábame desta enfermidade e do que eran capaces de facer pra fuxir do hospital onde esta amiga estaba a rotar. Chamábame e chámame a atención aínda máis nunha sociedade como a galega onde o comer a fartar está tan ben asentado no ser colectivo. Agora veño de atopar o traballo multimedia sobre transtornos alimentares de Lauren Greenfield chamado moi atinadamente Thin.

Non vos perdades tamén o Girl Culture, con instantáneas sobre os estereotipos e roles femininos como estas:

Telebeizóns...

nesta páxina. Rite ti dos Cazapantasmas!

Nada que ver con estoutras beizóns...